Italian Business Excellence Management (IBEM)

Sportech Academy ერთ-ერთი საუკეთესო საერთაშორისო საგანმანათლებლო ცენტრია იტალიაში, რომელიც მოზარდებს პროფესიულ და სპორტულ საზაფხულო პროგრამებს სთავაზობს. სპეციალიზირებული პროგრამები მოზარდებს საშუალებას აძლევს იმუშაონ პროფესიონალებთან, მიიღონ პრაქტიკული და რეალურ პროექტებზე დაფუძნებული ცოდნა.

აკადემია თანამშრომლობს 10-ზე მეტ წამყვან ინსტიტუტსა და ორგანიზაციასთან ბიზნესის, სპორტის, ხელოვნების, კულტურის და მედიცინის დარგში, მათ შორისაა: UNISR (Università Vita-Salute San Raffaele), Raffles Milano, AC Milan, Moncler, Teatro alla Scala, Congusto Institute, Dallara Academy, Armani Silos, Technogym, Fondazione Prada და Eataly.

სასწავლო პროგრამები მოიცავს ყველაზე მოთხოვნად და კონკურენტულ დარგებს:

მონაწილლები ისწავლიან წამყვან სპეციალისტებთან, გამოიყენებენ თანამედროვე ტექნოლოგიებს საკუთარი უნარების განვითარებისთვის. სასწავლო პროცესი აერთიანებს აკადემიურ და პრაქტიკულ სწავლას, სემინარებს, ვორქშოფებსა, დარგის წამყვან კომპანიებში და ინოვაციურ ჰაბებში ვიზიტებს რაც სტუდენტებს სთავაზობს უნიკალურ კომბინაციას — აკადემიური ცოდნა, პრაქტიკული გამოცდილება და მზადყოფნა წარმატებისთვის თანამედროვე პროფესიულ სამყაროში.

სპორტის მიმართულებით მოზარდებს ექნებათ წვრთნები პროფესიონალ მწვრთნელებთან ერთად, განავითარებენ სპორტულ უნარებს, სტრატეგიულ აზროვნებასა და გუნდურ მუშაობას.

საცხოვრებლის ფოტოები

პროგრამა ტარდება ლომბარდიაში — იტალიის ერთ-ერთ ყველაზე განვითარებულ ინდუსტრიულ რეგიონში — და აერთიანებს აკადემიურ სწავლებასა და პრაქტიკულ გამოცდილებას. მისი მიზანია სტუდენტებმა გაიღრმავონ ცოდნა ბიზნეს სტრატეგიის, ლიდერობის, ინოვაციების, მდგრადობისა და ოპერაციების მართვის მიმართულებით.

სასწავლო პროგრამა მოიცავს 30 საათიან თეორიულ  და 30 საათიან პრაქტიკულ სწავლებას.

სწავლების პროცესში სტუდენტები მონაწილეობას მიიღებენ ინტერაქტიულ გაკვეთილებში და პრაქტიკულ სემინარებში. ექნებათ ვიზიტები წამყვან კომპანიებში, შეხვედრები დირექტორებთან (CEO), მეწარმეებთან და მენეჯერებთან, რაც მათ აძლევს შესაძლებლობას უშუალოდ გაეცნონ რეალურ ბიზნეს გარემოს.

აკადემიური პროგრამა შედგება ორი ძირითადი კურსისგან:

1. ბიზნესის საფუძვლები (Business Foundations): რომელიც ფოკუსირებულია ლიდერობის, სტრატეგიის, ფინანსებისა და საერთაშორისო ურთიერთობების თეორიულ ასპექტებზე
2. პრაქტიკული გამოცდილება და ინდუსტრიული სიღრმეები (Practice & Industry Deep Dive): რაც გულისხმობს უშუალო ჩართულობას რეალურ ბიზნეს გარემოში — წამყვან იტალიურ კომპანიებსა და ინოვაციურ ჰაბებში ვიზიტებისა და პრაქტიკული ვორქშოფების მეშვეობით.

პროგრამის ძირითადი მიმართულებები:

• Leadership & Entrepreneurial Mindset - ლიდერული თვისებების განვითარება
• Strategy, Internationalization & Finance - ბიზნეს სტრატეგია და ფინანსები
• Supply Chain & Sustainability - ფუფუნების საგნების ინდუსტრიაში მიწოდების ჯაჭვის ეფექტიანი მართვა და ეკოლოგიური პასუხისმგებლობის უზრუნველყოფა
• Industry Visits - ვიზიტები მოდის, ავტოინდუსტრიის, იახტების წარმოების, იუველირიისა და დიზაინის სფეროების ლიდერ ბრენდებთან

პროგრამა სრულდება ფინალური ჯგუფური პროექტით, რომელიც დაფუძნებულია რეალურ ბიზნეს გამოწვევაზე და მონაწილეებს საშუალებას აძლევს პრაქტიკაში გამოიყენონ პროგრამის განმავლობაში მიღებული ცოდნა.

აკადემიური ნაწილის გარდა, პროგრამა მოიცავს:

• შეხვედრებს წარმატებულ მენეჯერებთან და CEO-ებთან.
• ვიზიტებს მუზეუმებში, ინოვაციების ჰაბებსა და კრეატიულ სივრცეებში.
• ერთობლივ სოციალურ აქტივობებს სხვა პროგრამების მონაწილეებთან
• კულტურული პროგრამა და პროფესიული კონტაქტების გაფართოება(networking)