საზაფხულო სკოლა ლონდონში

ინგლისური ენის პრემიუმ საზაფხულო სკოლა ცენტრალურ ლონდონში, University of London-ის ბაზაზე.

პროგრამა შექმნილია Malvern International-ის ჯგუფში შემავალი ბრიტანეთის ერთ-ერთი წამყვანი ორგანიზაციის Language in Action-ის მიერ, რომელიც 25 წელზე მეტია მოზარდებს სთავაზობს მაღალი სტანდარტების პროგრამებს: ინგლისური ენის სკოლებს, პროფესიულ და პრაქტიკაზე დამყარებულ მოკლე პროგრამებს.

2 კვირიანი პროგრამის განმავლობაში ინგლისური ენის გაკვეთილების გარდა ბავშვებს ექნებათ შემეცნებითი და გასართობი აქტივობები. ნახავენ ლონდონის მთავარ ღირშესანიშნაობებს და ექნებათ ექსკურსიები ოქსფორში და ბრაიტონში

მონაწილეები ისწავლიან და იცხოვრებენ University of London-ის კამპუსში, ლონდონის ერთ-ერთ ყველაზე პრესტიჟულ საუნივერსიტეტო უბანში - Bloomsbury (Zone 1). კამპუსიდან სულ რამდენიმე წუთის სავალზე მდებარეობს ქალაქის მნიშვნელოვანი კულტურული და ისტორიული ღირშესანიშნაობები.

Garden Hall - უსაფრთხო და თანამედროვე სტუდენტური საცხოვრებელი

• ერთადგილიანი ნომრები ინდივიდუალური სველი წერტილით, საშხაპითა და Queen size საწოლით.
• თითოეულ ოთახში განთავსებულია სამუშაო მაგიდა, ტანსაცმლის და სხვადასხვა ნივთის  შესანახი კარადა.
• ბავშვებისთვის გამოყოფილი საერთო მოხმარების სივრცე განტვირთვის და სოციალიზაციისათვის. 
•  ხელმისაწვდომია თამაშების და მუსიკის ოთახები, კინოთეატრი
• კამპუსის წინ არის დიდი გამწვანებული სივრცეები და პარკი
• ხელმისაწვდომია სამრეცხაო და ყოველკვირეული დასუფთავების სერვისი 
• უფასო Wi-Fi
• 24/7-ზე მიმღების და ტექნიკური პერსონალის მომსახურება
• სადღეღამისო დაცვის სამსახური

     საცხოვრებლის ფოტოები 

სასწავლო პროგრამა მოიცავს ინგლისური ენის გაკვეთილებს - კვირაში 15 საათი

პროგრამა ორიენტირებულია ენის პრაქტიკულ გამოყენებაზე და სტუდენტების კომუნიკაციური უნარების განვითარებაზე.

გაკვეთილებს ჩაატარებენ Native Speaker მასწავლებლები, რაც სტუდენტებს საშუალებას აძლევს გაეცნონ ინგლისური ენის ბუნებრივ აქცენტსა და საუბრის ტემპს. ასეთ გარემოში სწავლა ბავშვებს ეხმარება გაიუმჯობესონ მოსმენისა და საუბრის უნარები და უფრო თავდაჯერებულად გამოიყენონ ინგლისური რეალურ სიტუაციებში.

აკადემიური პროგრამა ეფუძნება სწავლების სამ ძირითად პრინციპს:

საუბრის თავდაჯერებულობა
თანატოლებთან ინტერაქციის, როლური თამაშებისა და პრეზენტაციების საშუალებით მასწავლებლები უზრუნველყოფენ, რომ კურსის განმავლობაში სტუდენტების საუბრის უნარები მნიშვნელოვნად განვითარდეს.

კავშირი რეალურ ცხოვრებასთან
თითოეული სასწავლო თემა დაკავშირებულია რეალურ სიტუაციებთან, რომლებსაც სტუდენტები ექსკურსიების დროს შეხვდებიან. სტუდენტები ენას ყველაზე ეფექტურად მაშინ სწავლობენ, როდესაც მას პრაქტიკაში, რეალურ გარემოში იყენებენ.

ბრიტანული კულტურა
გაერთიანებული სამეფოს კულტურა ინტეგრირებულია ყველა გაკვეთილში. ეს სტუდენტებს აძლევს შესაძლებლობას არა მხოლოდ ინგლისური ენა ისწავლონ, არამედ გაეცნონ ბრიტანეთის ისტორიას, სამზარეულოს, მუსიკას და ბრიტანეთის კუნძულების მრავალ სხვა კულტურულ ასპექტს.

სტუდენტები სასწავლო ჯგუფებში ნაწილდებიან ასაკისა და ინგლისური ენის ცოდნის დონის მიხედვით. ენის დონე განისაზღვრება წინასწარი ტესტირების საფუძველზე.