საზაფხულო სკოლა ნიუ-იორკში

ინგლისური ენის საზაფხულო სკოლა ნიუ-იორკში, University of Mount Saint Vincent-ის ბაზაზე

Kings Education საერთაშორისო საგანმანათლებლო ორგანიზაციაა და  სტუდენტებს სთავაზობს მრავალფეროვან აკადემიურ პროგრამებს, მათ შორის უნივერსიტეტისთვის მოსამზადებელ კურსებს (Foundation, A-level, Degree Pathway), ინგლისური ენის კურსებს და საზაფხულო პროგრამებს. 

კომპანია თანამშრომლობს დიდი ბრიტანეთისა და აშშ-ის არაერთ პრესტიჟულ უნივერსიტეტთან, მათ შორის არიან ისეთი საგანმანათლებლო დაწესებულებები, როგორებიცაა University of Bristol, University of the Arts London, Aston University და University of Wisconsin. აღნიშნული პარტნიორობები სტუდენტებს აძლევს შესაძლებლობას, შესაბამისი აკადემიური შედეგების შემთხვევაში, პირდაპირ გააგრძელონ სწავლა არჩეულ უნივერსიტეტში.

ყოველწლიურად Kings Education-ის კურსდამთავრებულები სწავლას მსოფლიოს წამყვან უნივერსიტეტებში აგრძელებენ. სწავლების ხარისხი დადასტურებულია წამყვანი საერთაშორისო აკრედიტაციებით, რაც პროგრამის მაღალ აკადემიურ სანდოობას განაპირობებს.

საზაფხულო პროგრამები აერთიანებს მაღალ აკადემიურ სტანდარტებსა და კულტურულ შემეცნებას. Kings Education-ის საზაფხულო კურსი შექმნილია მათთვის, ვისაც სურს მიიღოს საერთაშორისო გამოცდილება მსოფლიოს ერთ-ერთ ყველაზე დინამიურ ქალაქში, განავითაროს გლობალური ხედვა და ჩამოყალიბდეს მომავალ ლიდერად საერთაშორისო გარემოში.

University of Mount Saint Vincent

პროგრამის მონაწილეები ისწავლიან და იცხოვრებენ University of Mount Saint Vincent-ის თანამედროვე საუნივერსიტეტო კამპუსში, ნიუ იორკის ცენტრალური სადგურიდან 30 წუთის სავალზე. საცხოვრებელი კომპლექსი განთავსებულია ეკოლოგიურად სუფთა და უსაფრთხო გარემოში, ჰადსონის მდინარეზე ხედით. კამპუსის ტერიტორიაზეა თანამედროვე ტექნოლოგიებით აღჭურვილი საკლასო ოთახები, მოსასვენებელი სივრცეები და სრული სპორტული ინფრასტრუქტურა.

• 2 ან 3 ადგილიანი ოთახი კონდენციონერით და  საზიარო სველი წერტილით (6:1)
• თითოეულ ოთახში განთავსებულია  ტანსაცმლის და სხვადასხვა ნივთის შესანახი კარადა
• ღია საფეხბურთო მოედანი
• სპორტული დარბაზები
• ცეკვის დარბაზები
• საერთო მოსასვენებელი სივრცეები
• რესტორანი
• 24/7 სუპერვიზირება
• ხელმისაწვდომია სამრეცხაო და ყოველკვირეული დასუფთავების სერვისი
• Wi-Fi

     საცხოვრებლის ფოტოები

სასწავლო პროგრამა მოიცავს ინგლისური ენის გაკვეთილებს - კვირაში 15 საათი

სწავლება მოიცავს პრეზენტაციებს, კრეატიულ პროექტებსა და გუნდურ მუშაობას, რაც სტუდენტებს ეხმარება საკუთარი იდეების გამოხატვაში და თავდაჯერებულობის განვითარებაში. ყოველკვირეული შეფასებები და განხილვები უზრუნველყოფს მიღებული ცოდნის გამყარებას. მსგავსი დინამიკური გარემო ბავშვებს ეხმარება ენობრივი ბარიერის გადალახვასა და ინგლისურად თავდაჯერებულად საუბარში.

განსაკუთრებული ყურადღება ეთმობა კომუნიკაციას — საუბარს, როლურ თამაშებს, ლექსიკის გაფართოებასა და გამოთქმის გაუმჯობესებას. გაკვეთილებში ასევე ინტეგრირებულია ბრიტანული ან ამერიკული კულტურის შესწავლა, რაც სტუდენტებს ეხმარება ენის უკეთ გააზრებასა და გამოყენებაში. ექსკურსიების წინ სტუდენტები ეცნობიან იმ ადგილებს, რომლებიც უნდა მოინახულონ, რაც გამოცდილებას უფრო საინტერესოსა და ინფორმაციულს ხდის.

პროგრამის მნიშვნელოვანი ნაწილია „21-ე საუკუნის ცხოვრება“, სადაც ყოველ კვირას განიხილება სხვადასხვა აქტუალური თემა, რაც ავითარებს კრიტიკულ აზროვნებას და მსჯელობის უნარს.

სტუდენტები სასწავლო ჯგუფებში ნაწილდებიან ასაკისა და ინგლისური ენის ცოდნის დონის მიხედვით. ენის დონე განისაზღვრება წინასწარი ტესტირების საფუძველზე.

პროგრამის განმავლობაში ბავშვებს ექნებათ შესაძლებლობა, მოინახულონ ნიუ-იორკის მთავარი ღირშესანიშნაობები:

• Metropolitan Museum of Art
• Natural History Museum
• Central Park & 5th Avenue
• Statue of Liberty
• Times Square
• Manhattan Soho
• Greenwich Village Walking Tour & NYU
• Brooklyn Bridge & One World Observatory.

გასართობი პროგრამა

პროგრამა დატვირთულია მრავალფეროვანი შემეცნებითი და სპორტული აქტივობებით, რაც ხელს უწყობს მეგობრული ატმოსფეროს შექმნას, თანატოლებთან სოციალიზაციასა და დროის ხალისიანად გატარებას.

საღამოს  ღონისძიებები: Dance, disco, casino night, bingo, games night, quiz nights, and movie night

შემოქმედებითი აქტივობები: Arts and crafts, fashion show, karaoke, and talent show