საზაფხულო სკოლა პარიზში

ფრანგული ან ინგლისური ენის საზაფხულო სკოლა პარიზში

Alpadia Language Schools საერთაშორისო საგანმანათლებლო ორგანიზაციაა, რომელიც 1996 წელს დაარსდა და დღეს გლობალური საგანმანათლებლო ჯგუფის — Kaplan International Languages-ის ნაწილს წარმოადგენს. 

Alpadia სპეციალიზდება ფრანგული, გერმანული და ინგლისური ენების სწავლებაში და მოზარდებს სთავაზობს სხვადასხვა სასწავლო პროგრამებს მთელ მსოფლიოში. კომპანიის საერთაშორისო რეპუტაცია, მიღებული აკრედიტაციები და მრავალწლიანი გამოცდილება უზრუნველყოფს მის სანდოობას და მაღალ ხარისხს, რაც მას იდეალურ არჩევანად აქცევს მათთვის, ვისაც სურს უცხო ენის სწავლა საერთაშორისო გარემოში და სრულფასოვანი საგანმანათლებლო გამოცდილების მიღება.

Alpadia-ს მოდელი ეფუძნება უსაფრთხო და მზრუნველ გარემოს, სადაც თითოეული ბავშვის კეთილდღეობა პრიორიტეტულია. პროგრამები აერთიანებს მაღალ აკადემიურ სტანდარტებსა და კულტურულ შემეცნებას. 

საზაფხულო პროგრამა მოიცავს არა მხოლოდ სასწავლო პროგრამას, არამედ კულტურულ და შემეცნებით აქტივობებს და საერთაშორისო გამოცდილების მიღებას.  ბავშვები მოინახულებენ პარიზის სხვადასხვა ისტორიულ ღირშესანიშნაობებს და აქტიურად ჩაერთვებიან სპორტულ და გასართობ/შემეცნებით აქტივობებში. 

პროგრამის მონაწილეები ისწავლიან და იცხოვრებენ სტუდენტურ საცხოვრებელში, რომელიც პარიზის ცენტრიდან 45 წუთის სავალზე მდებარეობს. საცხოვრებელი კომპლექსი განთავსებულია ეკოლოგიურად სუფთა, გამწვანებულ და უსაფრთხო გარემოში. კამპუსის ტერიტორიაზეა ინტერაქციული დაფებითა და თანამედროვე ტექნოლოგიებით აღჭურვილი საკლასო ოთახები, მრავალფეროვანი მოსასვენებელი სივრცეები და სრული სპორტული ინფრასტრუქტურა.

• ერთადგილიანი ოთახები საზიარო სველი წერტილით (1:8)
• თითოეულ ოთახში განთავსებულია  ტანსაცმლის და სხვადასხვა ნივთის შესანახი კარადა
• თანამედროვედ აღჭურვილი საკლასო ოთახები;
• სპორტული მოედნები
• ბილიარდი და ტენისის მაგიდები
• გამწვანებული პარკები
• სამრეცხაო და ყოველკვირეული დალაგების სერვისი
• 24/7 სუპერვიზირება
• Wi-Fi

     საცხოვრებლის ფოტოები

სასწავლო პროგრამა მოიცავს ინგლისური ან ფრანგული ენის გაკვეთილებს - კვირაში 15 საათი

სწავლების მეთოდოლოგია ეფუძნება კომუნიკაციურ, ინტერაქტიულ და პრაქტიკაზე ორიენტირებულ მიდგომას, სადაც მთავარი აქცენტი კეთდება ენის რეალურ გარემოში გამოყენებაზე. Native Speaker მასწავლებლების მიერ სპეციალურად შემუშავებული კურიკულუმი ფარავს ენის ათვისების ყველა ასპექტს: მეტყველებას, მოსმენას, კითხვას და წერას. 

სწავლება მიმდინარეობს დინამიურ, საერთაშორისო გარემოში და მცირე ჯგუფებში, რაც უზრუნველყოფს თითოეული სტუდენტისადმი ინდივიდუალურ მიდგომას. პროგრამის მნიშვნელოვანი ნაწილია კოლაბორაციული პროექტები, რომლებიც ხელს უწყობს კრეატიულობის, დროის მენეჯმენტისა და ლიდერული თვისებების განვითარებას.

პროგრამის მთავარი უპირატესობა სრული ენობრივი იმერსიაა. სტუდენტები უცხო ენას არა მხოლოდ საკლასო ოთახში, არამედ ყოველდღიურ აქტივობებში, ექსკურსიებსა და სოციალურ გარემოში გამოიყენებენ. ამ მიდგომის შედეგად, სტუდენტები სწრაფად ეუფლებიან ცოდნას, იძენენ თავდაჯერებულობას და კომუნიკაციის უნარს რეალურ ცხოვრებაში.

სტუდენტები სასწავლო ჯგუფებში ნაწილდებიან ასაკისა და შერჩეული ენის ცოდნის დონის მიხედვით. ენის დონე განისაზღვრება წინასწარი ტესტირების საფუძველზე.

პროგრამა დატვირთულია მრავალფეროვანი კულტურული და შემეცნებითი აქტივობებით. სტუდენტებს მოინახულებენ პარიზის მთავარ კულტურული ცენტრებს, ღირშესანიშნაობებს და ისტორიულ უბნებს. ლოკალური სამზარეულოს გაცნობა და ქალაქის მნიშვნელოვანი ადგილების დათვალიერება ბავშვებს საშუალებას მისცემს, სრულად შეიგრძნონ ფრანგული კულტურა და გაიღრმავონ გლობალური ხედვა.

• ეიფელის კოშკი
• ვერსალის სასახლე
• ლუვრის მუზეუმი
• ორსეის მუზეუმი
• პარიზის ღვთისმშობლის ტაძარი
• ლუქსემბურგის ბაღი
• ტრიუმფალური თაღი
• მონმარტი

გასართობ/შემეცნებითი პროგრამა

პროგრამა დატვირთულია მრავალფეროვანი აქტივობებით, რომლებიც ხელს უწყობს მეგობრული ატმოსფეროს შექმნას, თანატოლებთან სოციალიზაციასა და დროის ხალისიანად გატარებას.

საღამოს ღონისძიებები: Disco, Movie Night, Quiz Night.

შემოქმედებითი აქტივობები: Karaoke, Talent/Fashion Show, Drama workshops და Arts & Crafts.

ბავშვებს აქვთ შესაძლებლობა, აირჩიონ დამატებითი აქტივობები:

• დისნეილენდის პარკი + 220€
• PSG საფეხბურთო მოედანი + 100€
• ექსკლუზიური გიდირებული ტური პარიზში (Grévin Wax Museum and Catacombs) + 160€