საზაფხულო სკოლა შვეიცარიის ალპებში

ინგლისური, გერმანული და ფრანგული ენების  საზაფხულო სკოლა შვეიცარიის ალპებში

Filolo International Camp პრემიუმ კლასის საერთაშორისო საგანმანათლებლო ორგანიზაციაა, რომელიც უმაღლესი სტანდარტის ენის საზაფხულო პროგრამებით არის ცნობილი. კომპანიის მრავალწლიანი გამოცდილება და სტუდენტების წარმატებაზე ორიენტირებული მიდგომა საუკეთესო პირობებს ქმნის ინგლისური, ფრანგული და გერმანული ენების შესწავლისთვის. სწავლების ხარისხი ეფუძნება საერთაშორისო აკადემიურ სტანდარტებს, რაც პროგრამის მაღალ სანდოობასა და პრესტიჟს განაპირობებს.

საზაფხულო პროგრამა მოიცავს არა მხოლოდ სასწავლო პროგრამას, არამედ კულტურულ, სათავგადასავლო, სპორტულ და შემეცნებით აქტივობებს. ბავშვები მოინახულებენ შვეიცარიის სხვადასხვა რეგიონს, იურასა და ფრანშ-მონტანის მაღალმთიან პლატოს. დაათვალიერებენ ბუნებრივ და ისტორიულ ღირშესანიშნაობებს სანიელეჟიეში, შვეიცარიის დედაქალაქ ბერნსა და შვეიცარიული ტბების სანაპიროებზე.

ეს დაუვიწყარი მოგზაურობა სტუდენტებს საშუალებას მისცემს, სრულად შეიგრძნონ ადგილობრივი კულტურა, განავითარონ გლობალური ხედვა და მიიღონ უნიკალური საერთაშორისო გამოცდილება.

საცხოვრებლის ფოტოები

სასწავლო პროგრამა მოიცავს ინგლისური, გერმანული ან ფრანგული ენის გაკვეთილებს - კვირაში 15 საათი

სწავლების მეთოდოლოგია ეფუძნება კომუნიკაციურ, ინტერაქტიულ და პრაქტიკაზე ორიენტირებულ მიდგომას, სადაც მთავარი აქცენტი კეთდება ენის რეალურ გარემოში გამოყენებაზე. Native Speaker მასწავლებლების მიერ სპეციალურად შემუშავებული კურიკულუმი ფარავს ენის ათვისების ყველა ასპექტს: მეტყველებას, მოსმენას, კითხვასა და წერას.

სწავლება მიმდინარეობს დინამიურ, საერთაშორისო გარემოში და მცირე ჯგუფებში, რაც უზრუნველყოფს თითოეული სტუდენტისადმი მაქსიმალურ ინდივიდუალურ მიდგომას და მასწავლებლის სრულ ფოკუსს მოსწავლის საჭიროებებზე. პროგრამის მნიშვნელოვანი ნაწილია კოლაბორაციული პროექტები და შემოქმედებითი ვორქშოფები, რომლებიც ხელს უწყობს კრეატიულობის, დროის მენეჯმენტისა და ლიდერული თვისებების განვითარებას.

სტუდენტები უცხო ენას არა მხოლოდ საკლასო ოთახში, არამედ ყოველდღიურ აქტივობებში,  ექსკურსიებსა და სოციალურ გარემოში გამოიყენებენ. ამ მიდგომის შედეგად, სტუდენტები სწრაფად ეუფლებიან ცოდნას, იძენენ თავდაჯერებულობას და კომუნიკაციის უნარს რეალურ ცხოვრებაში.

სტუდენტები სასწავლო ჯგუფებში ნაწილდებიან ასაკისა და შერჩეული უცხო ენის ცოდნის დონის მიხედვით. ენის დონე განისაზღვრება წინასწარი ტესტირების საფუძველზე.

პროგრამა დატვირთულია მრავალფეროვანი კულტურული და შემეცნებითი აქტივობებით. სტუდენტები მოინახულებენ შვეიცარიის მთავარ კულტურულ ცენტრებს, ღირშესანიშნაობებს და ისტორიულ რეგიონებს. ლოკალური სამზარეულოს გაცნობა და ქვეყნის მნიშვნელოვანი ადგილების დათვალიერება ბავშვებს საშუალებას მისცემს, სრულად შეიგრძნონ შვეიცარიული კულტურა და გაიღრმავონ გლობალური ხედვა.

• შვეიცარიის დედაქალაქი ბერნი
• Europa Park
• შოკოლადის ქარხანა
• საათების მუზეუმი
• სენტ-ურსანი და კაიაკინგი მდინარე დუბზე
• ნეშატელისა და ბილის ტბები
• Étang de la Gruère-ის ბუნებრივი ნაკრძალი
• შასერალის ქედი

გასართობ/შემეცნებითი პროგრამა
პროგრამა დატვირთულია მრავალფეროვანი აქტივობებით, რომლებიც ხელს უწყობს მეგობრული ატმოსფეროს შექმნას, თანატოლებთან სოციალიზაციასა და დროის ხალისიანად გატარებას.

საღამოს ღონისძიებები: BBQ & Campfire, Filolo Olympics, Disco Night, Movie Night, Quiz/Game Night.

შემოქმედებითი აქტივობები: კულინარიული ვორქშოფები, ხელოვნებისა და სპორტის ვორქშოპები, კაიაკინგი და ენობრივი მისიები ბუნებაში.