ICN Business School საზაფხულო სკოლა

ICN Business School ერთ-ერთი წამყვანი ფრანგული ბიზნეს სკოლაა, რომელიც 1905 წელს დაარსდა. იგი მსოფლიოს ბიზნეს სკოლების საუკეთესო 1%-ში შედის და ფლობს პრესტიჟულ Triple Crown აკრედიტაციას (AACSB, EQUIS და AMBA).  120-წლიანი ისტორიის მქონე სკოლა კურსდამთავრებულებს სთავაზობს წვდომას გლობალურ პროფესიულ ქსელთან და ამზადებს მათ საერთაშორისო ბაზარზე წარმატებისთვის.

პროგრამის მიზნები:

• პარიზისა და ბერლინის კრეატიული და კულტურული ეკოსისტემების გაცნობა
• პრაქტიკული მუშაობა ადგილობრივ სტარტაპებთან
• გუნდური მუშაობა საკუთარი კრეატიული ბიზნეს-პროექტების შესაქმნელად

Design Thinking and Acting

კურსი შექმნილია ბაკალავრიატის და მაგისტრატურის სტუდენტებისთვის, რომელთაც სურთ აღმოაჩინონ საკუთარი სამეწარმეო პოტენციალი და შეისწავლონ სტარტაპ-აზროვნების პრინციპები. კურსი ეფუძნება Art-Technology-Management (ATM) ტრანსდისციპლინურ მიდგომას, რაც სტუდენტებს ეხმარება ბიზნესის კრეატიულად და მდგრადად მართვაში. ევროპის ორი უმნიშვნელოვანესი ჰაბი, პარიზი და ბერლინი, მონაწილეებს სთავაზობს იდეალურ გარემოს ინოვაციური ბიზნეს-პროექტების შესაქმნელად.

• კურსის ბოლოს მონაწილეებმა უნდა წარადგინონ შემაჯამებელი პრეზენტაცია.
• პროგრამის განმავლობაში მონაწილეები სამუშაო ვიზიტით ეწვევიან უნივერსიტეტის ორ პარტნიორ კომპანიას.
• აკადემიური დატვირთვა: 60 საკონტაქტო საათი (8 ECTS აკადემიური კრედიტი)
  

სტუდენტები განთავსდებიან პარიზისა და ბერლინის ცენტრალურ ნაწილში მდებარე კომფორტულ რეზიდენციებში 2 ან 4 ადგილიან ოთახებში. 

საზაფხულო პროგრამა მოიცავს ორ კულტურულ აქტივობას პარიზის და ბერლინის მთავარი ღირშესანიშნაობების მოსანახულებლად.