საშუალო სკოლა საფრანგეთში

Student Management Group (SMG) - ის საშუალო სკოლების პროგრამების ფარგლებში მონაწილეებს შესაძლებლობა ეძლევათ ისწავლონ სხვადასხვა ქვეყნის როგორც საჯარო, ისე კერძო სკოლებში. SMG - ის გუნდი დაკომპლექტებულია გაცვლითი პროგრამების სფეროში 20 წელზე მეტი გამოცდილების მქონე პერსონალით. SMG-ის პრიორიტეტია თითოეული სტუდენტის მიმართ ინდივიდუალური მიდგომა, რაც უზრუნველყოფს საუკეთესო საგანმანათლებლო პროგრამის შერჩევას. კონკრეტული პროგრამისა და ქვეყნის მიხედვით, ხდება სტუდენტების განთავსება როგორც კერძო სკოლა-პანსიონებში, ასევე მასპინძელ ოჯახებში. მონაწილეები ხდებიან ადგილობრივი სასკოლო საზოგადოების სრულფასოვანი წევრები. 
სკოლების შერჩევა ხდება სხვადასხვა კრიტერიუმის საფუძველზე, მათ შორის - მდებარეობა, პროგრამის ხანგრძლივობა, მდებარეობა, ხელმისაწვდომი აკადემიური კურსები, სპორტი, კლასგარეშე აქტივობები და სხვა.

SMG-ის პროგრამები დაყოფილია ორ კატეგორიად - Basic და Choice. ორივე პროგრამა უზრუნველყოფს მაღალი ხარისხის სასკოლო განათლებას და კულტურულ ინტეგრაციას.

• საცხოვრებელი: მასპინძელი ოჯახი სამჯერადი კვებით.
• სკოლა: განთავსება საჯარო სკოლაში, შერჩეული ქვეყნის სასკოლო პროგრამა.
• ასაკი: 14-18
• ხანგრძლივობა: მოკლევადიანი: 1 -4 კვირა, გრძელვადიანი: 1 ტრიმესტრიდან 2 წლამდე 
• სწავლების ენა: ფრანგული

დამატებით:

• 4-დღიანი საორიენტაციო პროგრამა პარიზში +680 ევრო
• სასურველი რეგიონის არჩევა + 2000 ევრო:
  • ხმელთაშუა ზღვის სანაპირო
  • ატლანტის ოკეანის სანაპირო
  • ლა-მანშის (Channel Sea) სანაპირო
  • პირენეები
  • ურბანული (ქალაქის) ზონა 

• საცხოვრებელი: ოჯახი ან სტუდენტური საცხოვრებელი სამჯერადი კვებით. 
• სკოლა: განთავსება დღის ან პანსიონურ კერძო სკოლაში, შერჩეული ქვეყნის სასკოლო პროგრამა ან IB.
• ასაკი: 11-19
• ხანგრძლივობა: მინ. 1 აკადემიური წელი
• სწავლების ენა: შესაძლებელია ფრანგული ან ინგლისური ენის არჩევა

პროგრამა უზრუნველყოფს აკადემიურ გარემოში მაქსიმალურ ინტეგრაციას და მოზარდის პიროვნული განვითარების ყველაზე მრავალფეროვან შესაძლებლობებს.

დამატებით:

• 4-დღიანი საორიენტაციო პროგრამა პარიზში +680 ევრო

საფრანგეთის საგანმანათლებლო სისტემა მაღალი აკადემიური სტანდარტებით გამოირჩევა. პროგრამის მონაწილეები გაკვეთილებს ადგილობრივ ლიცეუმებში (lycée) ორშაბათიდან პარასკევის ჩათვლით დაესწრებიან, თუმცა შესაძლოა სასწავლო ცხრილში შაბათის გაკვეთილებიც იყოს გათვალისწინებული. სასწავლო დღე, როგორც წესი, 08:30-ზე იწყება და 17:30-ზე სრულდება.

Lower Secondary Education ISCED 2 - დაბალი საშუალო განათლება, 11-დან 15 წლამდე, რომლის დროსაც ფრანგი მოსწავლეები გადიან ძირითად საგნებს.
Upper Secondary Education ISCED 3 - მოსწავლეები ირჩევენ 1) ზოგად (generale), 2) ტექნოლოგიურ (technologique) ან 3) პროფესიულ (professionnel) ლიცეუმს (lycee). თითოეული სპეციალიზაცია გრძელდება 3 წელი და ამზადებს მოსაწავლეებს საშუალო განათლების კვალიფიკაციის (baccalaureat) მისაღებად. ეს დიპლომი გზას ხსნის უმაღლესი განათლებისკენ და აძლევს მათ უფლებას ჩაირიცხონ უნივერსიტეტში.

• სასწავლო წელი იწყება სექტემბერში და სრულდება ივნისში
• გრაფიკი: ორშაბათიდან პარასკევის ჩათვლით გრაფიკი (ოთხშაბათი შუადღის შემდეგ თავისუფალი დღე, ზოგიერთი გამოცდა ტარდება შაბათს)
• კლასში 30-მდე მოსწავლე
• 8-დან 12-მდე საგანი, საგნები იცვლება კლასის მიხედვით
• კლასგარეშე აქტივობები როგორც წესი ორგანიზებულია სკოლის გარეთ
• როგორც წესი, მოსწავლეები სადილს ყიდულობენ სკოლის კაფეტერიაში
• ფრანგულ სკოლებში დიდი ყურადღება ექცევა დისციპლინას, მკაცრად კონტროლდება წესების დაცვა