DigiPen Institute of Technology Europe - Bilbao

DigiPen Institute of Technology Europe-Bilbao წარმოადგენს აშშ-ში დაფუძნებული, მსოფლიოში განთქმული ტექნოლოგიური ინსტიტუტის ევროპულ კამპუსს. იგი სპეციალიზებულია ვიდეოთამაშების შექმნის, კომპიუტერული მეცნიერებების, ციფრული ხელოვნების, ანიმაციისა და რეალურ დროში ინტერაქტიული სისტემების დიზაინის მიმართულებით. სასწავლო პროცესში მთავარი აქცენტი ინოვაციებზე, პროგრამირებასა და 3D გრაფიკაზე კეთდება.

უნივერსიტეტის უმთავრესი უპირატესობა პრაქტიკაზე დაფუძნებული სწავლებაა, სტუდენტები უშუალოდ მუშაობენ რეალურ თამაშებზე, ქმნიან ანიმაციებს, რთულ ვიზუალურ ეფექტებსა და 3D მოდელებს.

ბილბაოს თანამედროვე ტექნოლოგიურ და კულტურულ ცენტრში მდებარე კამპუსი იდეალურ გარემოს ქმნის პროფესიული ზრდისთვის. აქ სტუდენტები უახლეს ტექნოლოგიებთან მუშაობენ და ივითარებენ უნარებს, რომლებიც სრულად პასუხობს გლობალური გეიმინგ ინდუსტრიის მკაცრ მოთხოვნებს. გარდა ამისა, DigiPen სტუდენტებს სთავაზობს უნიკალურ გაცვლით პროგრამებს სინგაპურისა და აშშ-ის კამპუსებში. კურსდამთავრებულთა მაღალ კვალიფიკაციაზე მეტყველებს ის ფაქტიც, რომ ისინი წარმატებით საქმდებიან ისეთ წამყვან კომპანიებში, როგორებიცაა: Nintendo, Microsoft, Ubisoft, EA და სხვა.