Mykolas Romeris University

Mykolas Romeris University (MRU) ლიეტუვას სოციალური და ჰუმანიტარული მეცნიერებების უდიდესი უნივერსიტეტია. იგი ლიეტუვის საკონსტიტუციო სამართლის პატრიარქის, პროფესორ მიკოლას რომერისის სახელს ატარებს. სასწავლებელი გამოირჩევა საგანმანათლებლო პროგრამების მრავალფეროვნებით და აერთიანებს სამართლის სკოლას, საზოგადოებრივი უსაფრთხოების აკადემიას (კაუნასში), ადამიანისა და სოციალური კვლევების ფაკულტეტს, საჯარო მმართველობისა და ბიზნესის ფაკულტეტსა და სუდოვიის აკადემიას (მარიამპოლეში).

MRU მოწინავე პოზიციებს იკავებს ინტერნაციონალიზაციის კუთხით: უნივერსიტეტი სთავაზობს 26 ინგლისურენოვან პროგრამას, მათ შორის 7 ერთობლივ და ორმაგი ხარისხის (Double Degree) პროგრამას ფრანგულ, ავსტრიულ და ფინურ უნივერსიტეტებთან. გარდა ევროპისა, მას მჭიდრო აკადემიური კავშირები აქვს აზიის წამყვან უნივერსიტეტებთან (სამხრეთ კორეა, იაპონია, ჩინეთი, ინდოეთი).

სასწავლებელი ყოველწლიურად 50-ზე მეტ საერთაშორისო და ეროვნულ კვლევით პროექტს ახორციელებს. ევროკომისიის შეფასებით, MRU ცენტრალურ და აღმოსავლეთ ევროპაში სოციალური ინოვაციების განვითარების ლიდერია. უნივერსიტეტის ბაზაზე ფუნქციონირებს MRU LAB, სოციალური ინოვაციების ლაბორატორიების ქსელი, რომელიც ინტერდისციპლინური პროექტების მეშვეობით იდეალურად აკავშირებს ერთმანეთთან აკადემიურ წრეებს, ბიზნესს, სამთავრობო ინსტიტუტებსა და საზოგადოებას. დღესდღეობით, MRU-ს მრავალფეროვან საერთაშორისო საზოგადოებაში 7000-მდე სტუდენტი ერთიანდება.