Schiller International University

Schiller International University სტუდენტებს უნიკალურ გლობალურ გამოცდილებას სთავაზობს, კამპუსები განთავსებულია ესპანეთში, საფრანგეთში, გერმანიასა და აშშ-ში. ეს მრავალფეროვნება აპლიკანტებს აძლევს სრულ თავისუფლებას, საკუთარი ინტერესებისა და კარიერული მიზნების შესაბამისად, იდეალური საგანმანათლებლო და კულტურული გარემო შეარჩიონ.

უნივერსიტეტის მთავარი უპირატესობა სწავლების პრაქტიკული მიდგომაა. საბაკალავრო და სამაგისტრო პროგრამები დატვირთულია რეალური პროექტებით, ვორკშოფებითა და სემინარებით. მსოფლიოს წამყვან ორგანიზაციებში გავლილი სტაჟირებები კი სტუდენტებს თანამედროვე საერთაშორისო ბაზრის გამოწვევებისთვის ამზადებს და დასაქმების პერსპექტივას მკვეთრად უზრდის.

სასწავლებლის ინფრასტრუქტურა სრულად პასუხობს უმაღლეს სტანდარტებს. კამპუსები აღჭურვილია უახლესი ტექნიკით, თანამედროვე აუდიტორიებით, საკონფერენციო ოთახებითა და მდიდარი ბიბლიოთეკებით. კომფორტული სარეკრეაციო და მოსასვენებელი სივრცეები კი სტუდენტური ცხოვრებისთვის ჰარმონიულ გარემოს ქმნის.

ჩარიცხვა შესაძლებელია Cambridge FCE, TOEIC, TOEFL, IELTS-ის ან Duolingo-ს ტესტის შესაბამისი ქულით.